బి.జె.పురంలో ఇంటింటా ప్రచారం నిర్వహించిన ఎన్డీఏ కూటమి అభ్యర్థులు

సైకిల్ గుర్తుపై ఓటు వేసి అత్యధిక మెజారిటీతో గెలిపించాలని విజ్ఞప్తి

బి.జె.పురం:

జియ్యమ్మవలస జడ్పీటీసీ అభ్యర్థి దత్తి కామేశ్వరి, ఎంపీపీ అభ్యర్థి డొంకాడ మంగమ్మ, బి.జె.పురం సెగ్మెంట్ ఎంపీటీసీ అభ్యర్థి కేతిరెడ్డి సూర్యకుమారి ఎన్డీఏ కూటమి తరఫున గ్రామంలో ఇంటింటా ప్రచారం నిర్వహించారు. ప్రతి ఇంటికీ వెళ్లి ఓటర్లను కలిసి సైకిల్ గుర్తుపై ఓటు వేసి తమను అత్యధిక మెజారిటీతో గెలిపించాలని కోరారు.

ఈ సందర్భంగా కూటమి నాయకులు, అభ్యర్థులు గ్రామ ప్రజలతో మమేకమై తమకు అవకాశం కల్పిస్తే గ్రామాల అభివృద్ధికి కృషి చేస్తామని తెలిపారు. ప్రజలు తమ అమూల్యమైన ఓటుతో కూటమి అభ్యర్థులను గెలిపించి గ్రామాల అభివృద్ధికి సహకరించాలని విజ్ఞప్తి చేశారు.

ఈ ప్రచార కార్యక్రమంలో ఉమ్మడి విజయనగరం జిల్లా గ్రంథాలయ సంస్థ చైర్మన్ డొంకాడ రామకృష్ణ, టీడీపీ అరకు పార్లమెంట్ ప్రధాన కార్యదర్శి దత్తి లక్ష్మణరావు, టీడీపీ మండల ప్రధాన కార్యదర్శి రమాశంకర్ రావు తదితరులు పాల్గొన్నారు.

Meta Keywords: NDA Alliance, BJPuram, Datti Kameswari, Donkada Mangamma, Kethireddy Suryakumari, Jiyyammavalasa, TDP, Election Campaign, Vizianagaram News