జనార్ధనవరం లో చిన్నారి పుట్టినరోజు వేడుకలకు హాజరైన మంత్రి పార్థసారథి

ఏలూరు జిల్లా నూజివీడు నియోజకవర్గం చాట్రాయి మండలం జనార్ధనవరం గ్రామంలో తెలుగుదేశం పార్టీ నాయకుల కుటుంబంలో జరిగిన చిన్నారి పుట్టినరోజు వేడుకలు ఘనంగా నిర్వహించారు.

చాట్రాయి మండల టిడిపి మహిళా అధ్యక్షురాలు మాదాసు చంద్రకళ, జనార్ధనవరం టిడిపి గ్రామ పార్టీ అధ్యక్షులు మాదాసు చిన్నపుల్లయ్యల మనవడు మదాసు షణ్ముఖ వెంకటసూర్య మొదటి పుట్టినరోజు వేడుకలకు గృహనిర్మాణ, సమాచార, పౌర సంబంధాల శాఖ మంత్రి కొలుసు పార్థసారథి ముఖ్య అతిథిగా హాజరయ్యారు.

ఈ సందర్భంగా చిన్నారి షణ్ముఖ వెంకటసూర్యను మంత్రి పార్థసారథి ఆశీర్వదించి, సుఖసంతోషాలతో ఆయురారోగ్యాలతో ఎదగాలని ఆకాంక్షించారు. కుటుంబ సభ్యులకు పుట్టినరోజు శుభాకాంక్షలు తెలిపారు.

కార్యక్రమంలో టిడిపి నాయకులు, కార్యకర్తలు, కుటుంబ సభ్యులు పాల్గొన్నారు.