వైఎస్ జగన్ను కలిసిన కనిగిరి వైఎస్సార్సీపీ ఇన్చార్జ్
వైఎస్ జగన్ను కలిసిన కనిగిరి వైఎస్సార్సీపీ ఇన్చార్జ్ దద్దాల నారాయణ యాదవ్
తాడేపల్లి, సెప్టెంబర్ 30: వైఎస్సార్ కాంగ్రెస్ పార్టీ అధినేత, మాజీ ముఖ్యమంత్రి వైఎస్ జగన్మోహన్ రెడ్డిని బుధవారం తాడేపల్లిలోని పార్టీ కేంద్ర కార్యాలయంలో కనిగిరి నియోజకవర్గ వైఎస్సార్సీపీ ఇన్చార్జ్ డాక్టర్ దద్దాల నారాయణ యాదవ్ కలిశారు.
ఈ సందర్భంగా కనిగిరి నియోజకవర్గంలో పార్టీ ఆధ్వర్యంలో చేపడుతున్న కార్యక్రమాలు, రాబోయే స్థానిక సంస్థల ఎన్నికల ప్రణాళికలు, పార్టీ ఐడీ కార్డుల పంపిణీ, పార్టీని మరింత బలోపేతం చేయడానికి తీసుకోవాల్సిన చర్యలపై వైఎస్ జగన్తో చర్చించినట్లు దద్దాల నారాయణ యాదవ్ తెలిపారు.
రాబోయే స్థానిక సంస్థల ఎన్నికల్లో 135 గ్రామ పంచాయతీలు, 6 జెడ్పీటీసీలు, 75 ఎంపీటీసీ స్థానాలు, మున్సిపాలిటీలోని 32 వార్డుల్లో పార్టీ నాయకులు, కార్యకర్తలను సమన్వయం చేసుకుని అభ్యర్థుల ఎంపికపై దృష్టి సారించాలని చర్చించినట్లు పేర్కొన్నారు.
పార్టీ శ్రేణులను సమన్వయం చేసుకుంటూ ఎన్నికల్లో బలమైన అభ్యర్థులను బరిలో నిలిపి, పార్టీ విజయానికి కృషి చేయాలని వైఎస్ జగన్ సూచించినట్లు దద్దాల నారాయణ యాదవ్ వెల్లడించారు. పార్టీ నాయకులు, కార్యకర్తలకు అన్ని విధాలుగా అండగా ఉంటామని వైఎస్ జగన్ భరోసా ఇచ్చినట్లు ఆయన తెలిపారు.
ఈ సమావేశంలో నియోజకవర్గంలో పార్టీ సంస్థాగత బలోపేతం, స్థానిక స్థాయిలో నాయకులు, కార్యకర్తల సమన్వయం తదితర అంశాలపై కూడా చర్చ జరిగినట్లు దద్దాల నారాయణ యాదవ్ ఒక ప్రకటనలో పేర్కొన్నారు.
