కనిగిరి కేటీఆర్ టెక్నో స్కూల్‌లో లక్ష్మీ నరసింహస్వామి పల్లకి సేవ

కనిగిరి: కేటీఆర్ టెక్నో స్కూల్ ప్రాంగణంలోని శ్రీ లక్ష్మీ నరసింహస్వామి దేవాలయంలో శనివారం స్వామివారికి పల్లకి సేవ కార్యక్రమాన్ని వైభవంగా నిర్వహించారు.

ఈ సందర్భంగా దేవస్థానం అర్చకులు చోడా వీరభద్రస్వామి ఆధ్వర్యంలో ప్రత్యేక పూజా కార్యక్రమాలు నిర్వహించారు. అనంతరం భక్తులకు తీర్థప్రసాదాలను అందజేశారు.

పల్లకి సేవ అనంతరం భక్తులకు అల్పాహారాన్ని కోటా శ్రీనివాసులు, ఆయన భార్య కవిత, సతీష్ కుమార్, సుమలతలు అందించారు. కార్యక్రమంలో భక్తులు అధిక సంఖ్యలో పాల్గొని స్వామివారిని దర్శించుకుని ప్రత్యేక పూజల్లో పాల్గొన్నారు.