మీ సేవ యాప్లో ఆర్టీసీ టికెట్లు.. త్వరలో అందుబాటులోకి రవాణా సేవలు
తెలంగాణ ప్రయాణికులకు మరో సౌకర్యం అందుబాటులోకి రానుంది. ఇకపై ఆర్టీసీ బస్సు టికెట్లను ‘మీ సేవ’ యాప్ ద్వారా కూడా బుక్ చేసుకునే అవకాశం కల్పించేందుకు ఏర్పాట్లు జరుగుతున్నాయి.
ప్రజా రవాణా వ్యవస్థను మరింత సులభతరం చేసే ఉద్దేశంతో ఆర్టీసీ ఈ నిర్ణయం తీసుకుంది. ఆర్టీసీ బస్సులతో పాటు మెట్రో, ఆటో, క్యాబ్ సేవలను కూడా ఒకే వేదికపైకి తీసుకురావాలనే లక్ష్యంతో ఈ విధానాన్ని అమలు చేయనున్నారు.
ఈ సదుపాయం అందుబాటులోకి వస్తే ప్రయాణికులు ఒకే యాప్ ద్వారా తమ ప్రయాణ ప్రణాళికను సిద్ధం చేసుకోవచ్చు. గమ్యస్థానానికి అనుగుణంగా బస్సు, మెట్రో, ఇతర రవాణా మార్గాలకు ముందస్తుగా టికెట్లు బుక్ చేసుకునే అవకాశం ఉంటుంది. టికెట్ చార్జీలను కూడా ఆన్లైన్ ద్వారా చెల్లించవచ్చు.
ప్రయాణికులకు సమయం ఆదా కావడంతో పాటు ప్రజా రవాణా సేవలను మరింత సులభంగా వినియోగించుకునేందుకు ఈ కొత్త విధానం ఉపయోగపడుతుందని అధికారులు తెలిపారు.
