మినీ థియేటర్ లో రెస్పాన్స్ అదరహో.. యూట్యూబ్ లోనూ సందడే సందడి.. 'రుద్ర' షార్ట్ ఫిల్మ్!
అన్నమయ్య జిల్లా పుంగనూరు
రుద్ర' షార్ట్ ఫిల్మ్ బుధవారం రాత్రి 8 గంటలకు ఏఆర్కే మినీ థియేటర్లో చిత్ర యూనిట్, పలువురు ప్రముఖుల సమక్షంలో ఘనంగా ప్రదర్శించబడింది. థియేటర్ ప్రదర్శన విజయవంతంగా ముగిసిన అనంతరం ఈ లఘు చిత్రాన్ని ప్రముఖ వీడియో ప్లాట్‌ఫారమ్ యూట్యూబ్ నందు అధికారికంగా అప్‌లోడ్ చేశారు. లక్కీరాయన్ దర్శకత్వం వహించిన ఈ వినూత్న లఘు చిత్రంలో సుబ్రహ్మణ్యం, మోహన్, రఘు, మోక్షిత్, మోహన్ రెడ్డి, బోనెపల్లి సాయి, తదితరులు ప్రధాన పాత్రల్లో నటించగా, డిఓపి గా విఆర్ విజయ్ కెమెరా పనితనం కొనియాడదగినది. ఈ ప్రత్యేక ప్రదర్శన కార్యక్రమానికి విచ్చేసిన ప్రముఖులు 'రుద్ర' చిత్ర యూనిట్‌ను ప్రత్యేకంగా అభినందించారు. లఘు చిత్రంలో ఎంచుకున్న కథాంశం, నటీనటుల ప్రతిభ, సాంకేతిక విలువలపై ప్రశంసల జల్లు కురిపించారు. ముఖ్యంగా లక్కీరాయన్ దర్శకత్వంలో ప్రతిభను ఈ చిత్రం ప్రేక్షకులను ఎంతగానో ఆకట్టుకుంటుందని చిత్ర యూనిట్ ధీమా వ్యక్తం చేసింది. థియేటర్లో లభించిన రెస్పాన్స్ తరహాలోనే యూట్యూబ్‌లో కూడా ఈ షార్ట్ ఫిల్మ్‌కు ప్రేక్షకుల నుండి, నెటిజన్ల నుండి అద్భుతమైన ఆదరణ లభించడంతో హర్షం వ్యక్తం చేశారు
