గని గుంతలో పడి వ్యక్తి మృతి

ఆళ్లగడ్డ, అక్టోబర్ 1: నంద్యాల జిల్లా ఆళ్లగడ్డ మండలంలోని గని గుంతలో పడి ఓ వ్యక్తి మృతి చెందాడు. తొలుత గుర్తుతెలియని మృతదేహంగా గుర్తించిన పోలీసులు, అనంతరం మృతుడిని ఆళ్లగడ్డ పట్టణంలోని రాందాసు వీధికి చెందిన అంబవరం అక్బర్ వలి (45)గా గుర్తించినట్లు తెలిపారు.

పోలీసులు తెలిపిన వివరాల ప్రకారం.. అక్బర్ వలి పక్షవాతంతో బాధపడుతున్నాడు. ఈ క్రమంలో గని గుంత వద్ద కాలుజారి అందులో పడిపోయి మృతి చెందినట్లు ప్రాథమికంగా తెలుస్తోంది. మృతుడి సోదరి మైమూన్ ఇచ్చిన ఫిర్యాదులో ఈ వివరాలు ఉన్నట్లు పోలీసులు తెలిపారు.

ఈ ఘటనపై కేసు నమోదు చేసి దర్యాప్తు చేస్తున్నట్లు పోలీసులు వెల్లడించారు. మృతదేహానికి సంబంధించిన ఇతర వివరాలను కూడా పోలీసులు పరిశీలిస్తున్నారు.