కిడ్నీ వ్యాధితో వ్యక్తి మృతి

ఎన్టీఆర్ జిల్లా తిరువూరు నియోజకవర్గం గంపలగూడెం మండలం అనుములంక గ్రామానికి చెందిన కోపూరి సుబ్బయ్య (65) కిడ్నీ వ్యాధితో బాధపడుతూ మంగళవారం ఉదయం మృతి చెందారు.

కుటుంబ సభ్యుల వివరాల ప్రకారం.. సుబ్బయ్య కొంతకాలంగా కిడ్నీ సంబంధిత అనారోగ్యంతో బాధపడుతూ క్రమం తప్పకుండా డయాలసిస్ చేయించుకుంటున్నారు. ఇటీవల ఆరోగ్య పరిస్థితి విషమించడంతో ఆసుపత్రిలో చికిత్స పొందుతూ మంగళవారం ఉదయం 10 గంటల సమయంలో మృతి చెందినట్లు తెలిపారు.

సుబ్బయ్యకు భార్య, ఒక కుమారుడు, ఇద్దరు కుమార్తెలు ఉన్నారు. ఆయన మృతితో కుటుంబ సభ్యులు, బంధువులు విషాదంలో మునిగిపోయారు.