BREAKING
thumb ● జిల్లా స్థాయి పోటీలకు ఎంపికైన అమీనాబాద్ TGMS విద్యార్థులు thumb ● పార్టీలకు అతీతంగా అర్హులందరికీ పెన్షన్ల పంపిణీ thumb ● ‘చలో మేడారం’ కార్యక్రమాన్ని జయప్రదం చేయాలి: చాగంటి కిషన్ thumb ● ఇందిరమ్మ కుటుంబ జీవిత బీమాతో పేదలకు ఆర్థిక రక్షణ: ఎమ్మెల్యే డాక్టర్ మురళి నాయక్ thumb ● కేసముద్రం మున్సిపాలిటీలో ఇందిరమ్మ కుటుంబ బీమా పథకం ప్రారంభం thumb ● పేద కుటుంబాలకు కొండంత అండగా ఇందిరమ్మ కుటుంబ బీమా thumb ● అంతర్జాతీయ సదస్సుకు కేసముద్రం విద్యార్థి పట్ల చందు ఎంపిక thumb ● పేదలకు భరోసా.. ఇందిరమ్మ బీమా thumb ● జిల్లా స్థాయి ఎన్నికల అవగాహన పోటీల్లో నెల్లికుదురు మోడల్ స్కూల్ విద్యార్థుల ప్రతిభ thumb ● బయ్యారం మండల సర్పంచ్‌ల ఫోరం అధ్యక్షుడిగా భూక్య ప్రవీణ్ నాయక్ ఏకగ్రీవ ఎన్నిక thumb ● జిల్లా స్థాయి పోటీలకు ఎంపికైన అమీనాబాద్ TGMS విద్యార్థులు thumb ● పార్టీలకు అతీతంగా అర్హులందరికీ పెన్షన్ల పంపిణీ thumb ● ‘చలో మేడారం’ కార్యక్రమాన్ని జయప్రదం చేయాలి: చాగంటి కిషన్ thumb ● ఇందిరమ్మ కుటుంబ జీవిత బీమాతో పేదలకు ఆర్థిక రక్షణ: ఎమ్మెల్యే డాక్టర్ మురళి నాయక్ thumb ● కేసముద్రం మున్సిపాలిటీలో ఇందిరమ్మ కుటుంబ బీమా పథకం ప్రారంభం thumb ● పేద కుటుంబాలకు కొండంత అండగా ఇందిరమ్మ కుటుంబ బీమా thumb ● అంతర్జాతీయ సదస్సుకు కేసముద్రం విద్యార్థి పట్ల చందు ఎంపిక thumb ● పేదలకు భరోసా.. ఇందిరమ్మ బీమా thumb ● జిల్లా స్థాయి ఎన్నికల అవగాహన పోటీల్లో నెల్లికుదురు మోడల్ స్కూల్ విద్యార్థుల ప్రతిభ thumb ● బయ్యారం మండల సర్పంచ్‌ల ఫోరం అధ్యక్షుడిగా భూక్య ప్రవీణ్ నాయక్ ఏకగ్రీవ ఎన్నిక
Test 4
Date of Publish : 06 October 2026, 04:12 pm
Posted by : PEDDABOINA SRIKANTH

అండర్‌పాస్ కోసం సూరారం గ్రామంలో మహాధర్నా

తెలంగాణ
/ హన్మకొండ / హన్మకొండ
Reporter
Peddaboina Srikanth Elkathurthi Mandal Reporter
06 Oct, 2026 - 04:12 PM
58 వీక్షణలు

అండర్ పాస్ కోసం మహా ధర్నా:

హనుమకొండ జిల్లా ఎల్కతుర్తి: ఎల్కతుర్తి మండలంలోని సూరారం గ్రామ బస్టాండ్ కూడలి వద్ద ఎన్‌హెచ్‌–563 రహదారిపై అండర్‌పాస్ నిర్మించాలని డిమాండ్ చేస్తూ గ్రామ ప్రజలు మహాధర్నా నిర్వహించారు. గ్రామానికి చెందిన యువత, విద్యార్థులు, రైతులు, వృద్ధులు పెద్ద సంఖ్యలో పాల్గొని తమ సమస్యలను పరిష్కరించాలని ప్రభుత్వాన్ని కోరారు.

ఎన్‌హెచ్‌–563రహదారి గ్రామాన్ని ఆనుకుని ఉండటంతో రహదారి దాటేందుకు ప్రజలు ఇబ్బందులు ఎదుర్కొంటున్నారని గ్రామస్తులు తెలిపారు. పలుమార్లు అధికారులకు ఫిర్యాదు చేసినప్పటికీ సమస్య పరిష్కారం కాలేదని ఆరోపించారు. విద్యార్థులు, వృద్ధులు, రైతులు, వాహనదారులు రాకపోకల సమయంలో ఇబ్బందులు పడుతున్నారని పేర్కొన్నారు.

అదేవిధంగా గ్రామ పరిధిలోని బయోగ్యాస్ ప్లాంట్ నుంచి వెలువడుతున్న దుర్వాసన, రసాయనాల ప్రభావంపై గ్రామస్తులు ఆందోళన వ్యక్తం చేశారు. ప్లాంట్ కారణంగా గాలి, నీరు కలుషితమవుతున్నాయని, దగ్గు, జలుబు, శ్వాస సంబంధిత సమస్యలు ఎదురవుతున్నాయని గ్రామస్తులు ఆరోపించారు. పంటలపై కూడా ప్రభావం పడుతోందని ప్రజలు రైతులు పేర్కొన్నారు. అయితే ఈ ఆరోపణలపై సంబంధిత అధికారులు, ప్లాంట్ యాజమాన్యం నుంచి అధికారిక వివరణ రావాల్సి ఉంది.

ఒకవైపు బయోగ్యాస్ ప్లాంట్ సమస్య, మరోవైపు జాతీయ రహదారిపై అండర్‌పాస్ లేకపోవడంతో ప్రజలు ఇబ్బందులు ఎదుర్కొంటున్నారని గ్రామస్తులు తెలిపారు. రెండు సమస్యలపై అధికారులు తక్షణమే స్పందించి పరిష్కార చర్యలు చేపట్టాలని డిమాండ్ చేశారు.

ధర్నా నేపథ్యంలో స్థానిక పోలీసులు అక్కడికి చేరుకుని గ్రామస్తులతో మాట్లాడారు. సమస్యలను సంబంధిత అధికారుల దృష్టికి తీసుకెళ్లి పరిష్కారానికి చర్యలు తీసుకునేలా చూస్తామని హామీ ఇచ్చినట్లు తెలిపారు. రహదారిపై రాకపోకలకు ఇబ్బంది కలగకుండా ధర్నాను విరమించాలని పోలీసులు కోరారు.

బయోప్లాంట్‌పై వచ్చిన ఆరోపణలపై సంబంధిత శాఖలు తనిఖీలు నిర్వహించి వాస్తవాలను వెల్లడించాలని, ఎన్‌హెచ్‌–563 వద్ద అండర్‌పాస్ ఏర్పాటు చేసేలా చర్యలు తీసుకోవాలని గ్రామ ప్రజలు కోరారు. కార్యక్రమంలో గ్రామ ప్రజలు, స్థానిక నాయకులు, యువత, విద్యార్థులు, రైతులు పాల్గొన్నారు.