చాట్రాయి జడ్పీ ఉన్నత పాఠశాలలో మధ్యాహ్న భోజన పథకం పరిశీలన

ఏలూరు జిల్లా నూజివీడు నియోజకవర్గం చాట్రాయి మండల కేంద్రంలోని జిల్లా పరిషత్ ఉన్నత పాఠశాలలో మధ్యాహ్న భోజన పథకాన్ని మండల విద్యాశాఖ అధికారి–2 వీఎస్‌వీ బ్రహ్మచారి సోమవారం పరిశీలించారు. విద్యార్థులకు అందిస్తున్న భోజన నాణ్యత, వంటశాల పరిశుభ్రత, భోజన పదార్థాల నిల్వ, మెనూ అమలు తదితర అంశాలను ఆయన పరిశీలించారు.

ఈ సందర్భంగా వీఎస్‌వీ బ్రహ్మచారి మాట్లాడుతూ విద్యార్థులకు ప్రభుత్వం నిర్దేశించిన మెనూ ప్రకారం నాణ్యమైన, రుచికరమైన భోజనం అందించాలని సూచించారు. వంటశాల పరిసరాలను పరిశుభ్రంగా ఉంచడంతో పాటు, విద్యార్థులకు వేడి, తాజా ఆహారం అందేలా సిబ్బంది చర్యలు తీసుకోవాలని తెలిపారు. భోజనం తయారీ, వడ్డింపు సమయంలో పరిశుభ్రతా ప్రమాణాలను తప్పనిసరిగా పాటించాలని సూచించారు.

విద్యార్థుల ఆరోగ్యాన్ని దృష్టిలో ఉంచుకుని ఆహార నాణ్యత విషయంలో ఎలాంటి నిర్లక్ష్యం ఉండకూడదని స్పష్టం చేశారు. పాఠశాలలో విద్యార్థులకు అందుతున్న మధ్యాహ్న భోజనంపై వారితో మాట్లాడి వివరాలను తెలుసుకున్నారు. పాఠశాల సిబ్బంది, మధ్యాహ్న భోజన నిర్వాహకులకు పలు సూచనలు చేశారు సందర్భంగా ఉపాధ్యాయులు జి అమరయ్య విద్యార్థులకు భోజనం వడ్డించారు ఈ కార్యక్రమంలో ప్రధానోపాధ్యాయులు డి కృష్ణయ్య, ఉపాధ్యాయులు రామారావు వంట ఏజెన్సీ వారు పాల్గొన్నారు