గులాం నబీని పరామర్శించిన మైనార్టీ నాయకులు

యాదాద్రి జిల్లా: సంస్థాన్ నారాయణపురం మండలంలోని 

రాచకొండలోని హజ్రత్ గాలిబ్ షాహిద్ దర్గా ముతవల్లి ఎం.డి. గులాం నబి గత కొన్ని రోజులుగా అనారోగ్యంతో సంస్థాన్ నారాయణపురంలోని తన స్వగృహంలో విశ్రాంతి తీసుకుంటున్నారు. ఈ విషయం తెలుసుకున్న మునుగోడు నియోజకవర్గానికి చెందిన మైనార్టీ నాయకులు మంగళవారం ఆయన నివాసానికి వెళ్లి ఆరోగ్య పరిస్థితిని అడిగి తెలుసుకున్నారు.

గులాం నబి త్వరగా కోలుకుని సంపూర్ణ ఆరోగ్యంతో తిరిగి సేవలు అందించాలని ఆకాంక్షిస్తూ అల్లాహ్‌ను ప్రార్థించారు. అలాగే హజ్రత్ గాలిబ్ షాహిద్ ఆశీస్సులు ఆయనపై ఎల్లవేళలా ఉండాలని దువా చేశారు.

ఈ కార్యక్రమంలో మునుగోడు నియోజకవర్గ మైనార్టీ నాయకులు ఎం.డి. రహీమ్ షరీఫ్, మజీద్ కమిటీ మాజీ అధ్యక్షుడు ఫయాజ్ అలీ ఖాన్, ఎం.డి. సోహెల్ భాయ్, యూసుఫ్ భాయ్, హుస్సేన్ షరీఫ్, ఎం.డి. వాజిద్, మదర్ షరీఫ్ తదితరులు పాల్గొన్నారు.