నేపాల్‌కు భారత్ భారీ సాయం.. ఐదో విమానం పయనం

11 మంది సభ్యుల రెస్క్యూ టీమ్‌తో ప్రత్యేక విమానం.. 5.5 టన్నుల అత్యవసర సామగ్రి తరలింపు

న్యూఢిల్లీ | Ntoday News

వరదలతో తీవ్రంగా ప్రభావితమైన నేపాల్‌కు భారత్ మరోసారి అండగా నిలిచింది. సహాయక చర్యల్లో భాగంగా 11 మంది సభ్యులతో కూడిన రెస్క్యూ టీమ్‌తో ప్రత్యేక విమానం నేపాల్‌కు బయలుదేరింది.

ఈ విమానం ద్వారా సుమారు 5.5 టన్నుల అత్యవసర మందులు, ప్రత్యేక పరికరాలు తరలిస్తున్నారు. వరద ప్రభావిత ప్రాంతాల్లో సహాయక చర్యలను వేగవంతం చేసేందుకు ఈ సామగ్రి ఉపయోగపడనుంది.

నేపాల్‌లో వరద బాధితులకు అవసరమైన సహాయం అందించేందుకు భారత ప్రభుత్వం చేపడుతున్న చర్యల్లో భాగంగా ఇది ఐదో విమానంగా పయనించినట్లు సమాచారం. విపత్తు సమయంలో పొరుగు దేశానికి అవసరమైన సహాయాన్ని అందిస్తూ భారత్ తన మానవతా దృక్పథాన్ని చాటుకుంటోంది.