SBI ATM విత్డ్రాయల్ రూల్స్‌లో మార్పులు
అంతర్జాతీయం
అంతర్జాతీయం
Juli Srinivasulu
Kodada Town Reporter
అక్టోబర్ 1 నుంచి కొత్త ఛార్జీలు.. ఇతర బ్యాంకుల ATMలపై ఉచిత లావాదేవీలు 5కు పరిమితం
న్యూఢిల్లీ | Ntoday News
స్టేట్ బ్యాంక్ ఆఫ్ ఇండియా (SBI) శాలరీ అకౌంట్ హోల్డర్లకు సంబంధించిన ATM విత్డ్రాయల్ నిబంధనల్లో మార్పులు చేసింది. ఇతర బ్యాంకుల ATMలలో నిర్వహించే ఉచిత లావాదేవీల పరిమితిని తగ్గించినట్లు సమాచారం.
ఇప్పటివరకు నెలకు 10 ఉచిత లావాదేవీలకు అవకాశం ఉండగా, కొత్త నిబంధనల ప్రకారం ఈ పరిమితిని 5 లావాదేవీలకు తగ్గించారు. నిర్ణయించిన పరిమితిని దాటిన తర్వాత ప్రతి అదనపు క్యాష్ విత్‌డ్రాయల్‌పై రూ.23 + GST ఛార్జీ విధించనున్నట్లు సమాచారం.
అదేవిధంగా నాన్‌-క్యాష్ ATM లావాదేవీలపై రూ.11 + GST ఛార్జీ వర్తించనుంది. ఈ కొత్త నిబంధనలు అక్టోబర్ 1 నుంచి అమల్లోకి రానున్నాయి.
అందువల్ల SBI శాలరీ అకౌంట్ వినియోగదారులు ఇతర బ్యాంకుల ATMలను ఉపయోగించే సమయంలో ఉచిత లావాదేవీల పరిమితిని దృష్టిలో ఉంచుకోవాలని సూచిస్తున్నారు.
