నకిలీ మందులపై కేంద్రం కీలక నిర్ణయం.. QR కోడ్ తప్పనిసరి!

 దేశంలో నకిలీ మందుల విక్రయాలకు అడ్డుకట్ట వేసేందుకు కేంద్ర ప్రభుత్వం కీలక నిర్ణయం తీసుకుంది. వ్యాక్సిన్లు, క్యాన్సర్ మందులు, యాంటీమైక్రోబియల్స్, నార్కోటిక్ ఔషధాల ప్యాకేజింగ్‌పై QR కోడ్ లేదా బార్‌కోడ్ తప్పనిసరి చేస్తూ గెజిట్ నోటిఫికేషన్ జారీ చేసింది.

ఈ కోడ్‌ను స్కాన్ చేయడం ద్వారా మందు తయారీ సంస్థ, బ్యాచ్ నంబర్, తయారీ తేదీ, గడువు తేదీ వంటి వివరాలను సులభంగా తెలుసుకునే అవకాశం ఉంటుంది. దీంతో నకిలీ మందులను గుర్తించడం, సరఫరా వ్యవస్థను పర్యవేక్షించడం మరింత సులభం కానుంది.

 అమలు తేదీలు: ▪️ వ్యాక్సిన్లు, క్యాన్సర్ మందులకు – 2027 జూలై 1 నుంచి

▪️ యాంటీమైక్రోబియల్ ఔషధాలకు – 2028 జూలై 1 నుంచి

ఈ నిర్ణయంతో నకిలీ మందులపై నియంత్రణ పెరగడంతో పాటు, రోగుల భద్రత మరింత మెరుగుపడనుంది.