ప్రచార రథాన్ని పరిశీలించిన నంద్యాల కలెక్టర్

నంద్యాల, అక్టోబర్ 1: నంద్యాల జిల్లాలోని 20 గ్రామాల్లో కళాజాత నిర్వహించేందుకు ఏర్పాటు చేసిన ప్రచార రథాన్ని జిల్లా కలెక్టర్ రాజకుమారి గణియా పరిశీలించారు.

గ్లోబల్ హార్టికల్చర్ హబ్ – రాయలసీమ రైజింగ్ కార్యక్రమం లక్ష్యాలు, ప్రయోజనాలను గ్రామీణ ప్రజలకు వివరించేందుకు కళాజాత నిర్వహిస్తున్నట్లు అధికారులు తెలిపారు.

ఈ సందర్భంగా కలెక్టర్ కళాజాత బృందానికి పలు సూచనలు చేశారు. కార్యక్రమం ఉద్దేశాలు, రైతులకు కలిగే ప్రయోజనాలు, ఉద్యాన పంటల అభివృద్ధికి సంబంధించిన అంశాలపై గ్రామీణ ప్రజలకు సులభంగా అర్థమయ్యేలా అవగాహన కల్పించాలని సూచించారు.

కళాజాత ద్వారా రైతులకు ఉద్యాన రంగంలో అందుబాటులో ఉన్న అవకాశాలు, ప్రభుత్వం చేపడుతున్న కార్యక్రమాలపై సమాచారం అందించాలని పేర్కొన్నారు..