ఓరుగల్లును ఆరు జిల్లాలుగా విభజించి అన్యాయం చేశారు: ఎమ్మెల్యే రాజేందర్ రెడ్డి

హనుమకొండ: చారిత్రక ఓరుగల్లు ప్రాంతాన్ని గత పాలకులు ఆరు జిల్లాలుగా విభజించి అన్యాయం చేశారని వరంగల్ పశ్చిమ ఎమ్మెల్యే రాజేందర్ రెడ్డి విమర్శించారు. హనుమకొండలో ఆయన మాట్లాడుతూ జిల్లాల విభజన, పేర్ల కేటాయింపుపై తన అభిప్రాయాలను వెల్లడించారు.

ప్రొఫెసర్ జయశంకర్ స్వగ్రామమైన అక్కంపేట హనుమకొండ జిల్లాలో ఉందని, అలాంటప్పుడు ఈ జిల్లాకు ఆయన పేరు పెట్టకుండా భూపాలపల్లి జిల్లాకు జయశంకర్ పేరు ఎలా కేటాయించారని ప్రశ్నించారు.

బీఆర్ఎస్ నాయకులు కేసీఆర్ చిత్రపటాలకు పాలాభిషేకాలు చేయడంపై కూడా రాజేందర్ రెడ్డి తీవ్ర విమర్శలు చేశారు. గత పాలకుల నిర్ణయాలపై ఆయన అసంతృప్తి వ్యక్తం చేస్తూ ఘాటుగా వ్యాఖ్యానించారు.