ప్రపంచ ఫోటోగ్రఫీ దినోత్సవం సందర్భంగా అన్నదానం....
ప్రపంచ ఫోటోగ్రఫీ దినోత్సవం సందర్భంగా అన్నదానం....
అన్నమయ్య జిల్లా.
పుంగనూరు.
ప్రపంచ ఫోటోగ్రఫీ దినోత్సవాన్ని పురస్కరించుకుని ఫోటోగ్రాఫర్స్ అండ్ వీడియో గ్రాఫర్స్ సంక్షేమ సంఘం – పుంగనూరు యూనియన్ సభ్యులు ఆధ్వర్యంలో బుధవారం పుంగనూరు పాత బస్టాండ్‌లో అన్నదానం కార్యక్రమం నిర్వహించారు.
ఈ సందర్భంగా సంఘం సభ్యులు కేక్ కట్ చేసి ప్రపంచ ఫోటోగ్రఫీ దినోత్సవ వేడుకలను జరుపుకున్నారు. అనంతరం పేదలు, నిరుపేదలకు అన్నదానం చేసి తమ సేవాభావాన్ని చాటుకున్నారు.
ఫోటోగ్రఫీ రంగంలో పనిచేస్తున్న ప్రతి ఒక్కరికీ ప్రపంచ ఫోటోగ్రఫీ దినోత్సవ శుభాకాంక్షలు తెలియజేస్తూ, భవిష్యత్తులో కూడా సామాజిక సేవా కార్యక్రమాలను కొనసాగిస్తామని సంఘం సభ్యులు తెలిపారు.ప్రపంచ ఫోటోగ్రఫీ దినోత్సవం సందర్భంగా పుంగనూరులో నిర్వహించిన కార్యక్రమంలో CI సుబ్బరాయుడు, ASI రమణ పాల్గొని ఫోటోగ్రాఫర్స్ అండ్ వీడియో గ్రాఫర్స్‌కు శుభాకాంక్షలు తెలిపారు.
ఈ సందర్భంగా CI సుబ్బరాయుడు మాట్లాడుతూ.. ఫోటోగ్రఫీ అనేది కేవలం ఒక వృత్తి మాత్రమే కాదని, సమాజంలోని ఎన్నో ముఖ్యమైన సంఘటనలను భవిష్యత్ తరాలకు భద్రపరిచే ఒక గొప్ప కళ అని అన్నారు. ఫోటోగ్రాఫర్లు తమ కెమెరా ద్వారా సమాజంలోని మంచి విషయాలను ప్రజలకు చూపిస్తూ కీలక పాత్ర పోషిస్తున్నారని తెలిపారు.
ఫోటోగ్రఫీ రంగంలో ఉన్నవారు మరింత అభివృద్ధి సాధించాలని, వారి సంక్షేమం కోసం అందరూ సహకరించాలని ఆకాంక్షించారు. అనంతరం సంఘం సభ్యులతో కలిసి అన్నదానం కార్యక్రమంలో పాల్గొన్నారు.
