ఫ్రిజ్‌లో మంచు ఆకారం.. శివలింగాన్ని పోలి ఉందంటూ సందడి

ఉత్తరప్రదేశ్‌లోని ఆగ్రాలో ఓ ఇంట్లో ఫ్రిజ్‌లో ఏర్పడిన మంచు ఆకారం శివలింగాన్ని పోలి కనిపించడంతో స్థానికంగా ఆసక్తికర చర్చకు దారితీసింది.

ఆ మంచు ఆకారాన్ని చూసిన కుటుంబ సభ్యులు విషయం చుట్టుపక్కల వారికి తెలియజేయగా, పలువురు అక్కడికి చేరుకుని దర్శనం చేసుకుంటున్నారు. కొందరు భక్తులు పూజలు నిర్వహిస్తూ ప్రార్థనలు చేస్తున్నారు. ఈ దృశ్యాలు సామాజిక మాధ్యమాల్లో విస్తృతంగా ప్రచారం పొందుతున్నాయి.

అయితే, ఫ్రిజ్‌లో నీరు గడ్డకట్టే ప్రక్రియలో ఇలాంటి ఆకారాలు సహజంగానే ఏర్పడే అవకాశం ఉందని నిపుణులు చెబుతున్నారు. ఈ ఘటనకు సంబంధించిన వీడియో ప్రస్తుతం నెట్టింట వైరల్‌గా మారింది.