పేకాట శిబిరంపై పోలీసుల దాడి..

పేకాట శిబిరంపై పోలీసుల దాడి.. ముగ్గురు అదుపులో రూ.13,510 నగదు, ఐదు మోటార్‌సైకిళ్లు స్వాధీనం

చాట్రాయి: జూద క్రీడలపై కఠిన చర్యలు తీసుకుంటున్నట్లు చాట్రాయి ఎస్సై డి. రామకృష్ణ తెలిపారు. అందిన సమాచారం మేరకు ఏలూరు జిల్లా చాట్రాయి మండలం కృష్ణారావుపాలెం గ్రామ శివారులో నిర్వహిస్తున్న పేకాట శిబిరంపై పోలీసులు దాడి చేశారు. ఈ దాడిలో పేకాట ఆడుతున్న ముగ్గురిని అదుపులోకి తీసుకుని, వారి వద్ద నుంచి రూ.13,510 నగదు, ఐదు మోటార్‌సైకిళ్లను స్వాధీనం చేసుకున్నారు. ఈ ఘటనపై ముగ్గురిపై చాట్రాయి పోలీస్‌స్టేషన్‌లో కేసు నమోదు చేసినట్లు ఎస్సై వెల్లడించారు.

జూదానికి పాల్పడితే కఠిన చర్యలు

ఈ సందర్భంగా ఎస్సై డి. రామకృష్ణ మాట్లాడుతూ జూద క్రీడలు వ్యక్తుల ఆర్థిక పరిస్థితిపై ప్రతికూల ప్రభావం చూపుతాయని తెలిపారు. జూదాన్ని ప్రోత్సహించినా, అందులో పాల్గొన్నా చట్టప్రకారం కఠిన చర్యలు తీసుకుంటామని స్పష్టం చేశారు. జూదం ఏ రూపంలో ఉన్నా ఉపేక్షించబోమన్నారు. జూద కార్యకలాపాలకు సంబంధించిన సమాచారం తెలిస్తే ప్రజలు డయల్‌ 112కు లేదా చాట్రాయి ఎస్సై ఫోన్‌ నంబర్‌ 9440796455కు తెలియజేయాలని కోరారు. సమాచారం అందించిన వారి వివరాలను గోప్యంగా ఉంచుతామని తెలిపారు.