జంగారెడ్డిగూడెం మసీదు సెంటర్‌లో పోలీసుల వాహన తనిఖీలు

నిబంధనలు ఉల్లంఘిస్తే చర్యలు తప్పవు : ఎస్ఐ కుటుంబరావు 

జంగారెడ్డిగూడెం: ఏలూరు జిల్లా జంగారెడ్డిగూడెం పట్టణంలోని మసీదు సెంటర్‌లో ఎస్ఐ కుటుంబరావు ఆధ్వర్యంలో పోలీసులు వాహన తనిఖీలు నిర్వహించారు. ఈ కార్యక్రమంలో ట్రాఫిక్ సిబ్బంది పాల్గొన్నారు. ఈ సందర్భంగా వాహనదారుల వద్ద ఉన్న వాహన రికార్డులు, అవసరమైన ధ్రువపత్రాలను పోలీసులు పరిశీలించారు. సరైన పత్రాలు లేని వాహనదారులకు వాహన పత్రాలు లేకపోవడం వల్ల ఎదురయ్యే ఇబ్బందులు, చట్టపరమైన పరిణామాలపై ఎస్ఐ కుటుంబరావు అవగాహన కల్పించారు. వాహనదారులు తప్పనిసరిగా ట్రాఫిక్ నిబంధనలు పాటించాలని, సరైన ధ్రువపత్రాలు లేకుండా వాహనాలు నడిపితే చట్టప్రకారం చర్యలు తీసుకుంటామని హెచ్చరించారు. నిబంధనలు పాటించని వాహనాలకు జరిమానాలు విధించారు. ప్రతి ఒక్కరూ రహదారి భద్రతకు ప్రాధాన్యతనిస్తూ ట్రాఫిక్ నిబంధనలు పాటించాలని, పోలీసులకు సహకరించాలని ఎస్ఐ సూచించారు.