కంకణంపాడు సర్పంచ్ అభ్యర్థిగా పొట్టేళ్ల బాలయ్య ఖరారు

వైఎస్సార్సీపీ నాయకులతో సమావేశమైన కనిగిరి నియోజకవర్గ ఇన్‌చార్జి డాక్టర్ దద్దాల నారాయణ యాదవ్.. పార్టీ అభ్యర్థి విజయానికి సమష్టిగా కృషి చేయాలని పిలుపు

వెలిగండ్ల: మండలంలోని కంకణంపాడు పంచాయతీకి చెందిన వైఎస్సార్ కాంగ్రెస్ పార్టీ నాయకులు శనివారం ఉదయం కనిగిరి నియోజకవర్గ పార్టీ ఇన్‌చార్జి డాక్టర్ దద్దాల నారాయణ యాదవ్‌ను ఆయన నివాసంలో మర్యాదపూర్వకంగా కలిశారు. ఈ సందర్భంగా పంచాయతీకి సంబంధించిన పలు అంశాలపై ఆయనతో చర్చించారు. రాబోయే గ్రామ పంచాయతీ ఎన్నికలకు సంబంధించి స్థానిక రాజకీయ పరిస్థితులు, పార్టీ అభ్యర్థి ఎంపిక తదితర విషయాలను నాయకులు ఆయన దృష్టికి తీసుకెళ్లారు.

ఈ సమావేశంలో చర్చల అనంతరం కంకణంపాడు గ్రామ సర్పంచ్ అభ్యర్థిగా పొట్టేళ్ల బాలయ్య పేరును దద్దాల నారాయణ యాదవ్ ఖరారు చేశారు. పార్టీ నాయకులు, కార్యకర్తలు సమన్వయంతో పనిచేసి అభ్యర్థి విజయానికి కృషి చేయాలని ఆయన సూచించారు.

ఈ సందర్భంగా దద్దాల నారాయణ యాదవ్ మాట్లాడుతూ.. రాబోయే ఎన్నికల్లో పార్టీ అభ్యర్థి గెలుపే లక్ష్యంగా ప్రతి ఒక్కరూ కలిసికట్టుగా పనిచేయాలని పిలుపునిచ్చారు. గ్రామస్థాయిలో నాయకులు, కార్యకర్తల మధ్య సమన్వయం పెంపొందించుకోవాలని, బూత్ స్థాయి నుంచి పార్టీని మరింత బలోపేతం చేసేందుకు కృషి చేయాలని దిశానిర్దేశం చేశారు. ఎన్నికల సమయంలో అందరూ బాధ్యతగా వ్యవహరిస్తూ పార్టీ అభ్యర్థి విజయానికి తమ వంతు కృషి చేయాలని కోరారు.

ఈ కార్యక్రమంలో ఎలికా రమణయ్య, మారం వెంకటేశ్వరరెడ్డి, వీరంరెడ్డి వెంకటేశ్వరరెడ్డి, పొట్టేళ్ల నడిపి కొండయ్య, మల్లెబోయిన తిరుపతయ్య, రాచగుల్ల బాలయ్య తదితరులు పాల్గొన్నారు.