రామానగరం గ్రామానికి చెందిన పేద విద్యార్థినికి ఎమ్మెల్యే కొలికపూడి శ్రీనివాసరావు ఆర్థిక సాయం
ఎంసెట్‌లో ర్యాంక్ సాధించిన సోనీ ఇంజినీరింగ్ చదువుకు అండ
విస్సన్నపేట మండలం పుట్రేల (రామనగరం) గ్రామం, ఎన్టీఆర్ జిల్లా
విస్సన్నపేట మండలం పుట్రేల (రామనగరం) గ్రామానికి చెందిన మల్లాది సోనీ అనే విద్యార్థిని ప్రతిభకు ఎమ్మెల్యే కొలికపూడి శ్రీనివాసరావు అండగా నిలిచారు.
ఎంసెట్‌లో మంచి ర్యాంక్ సాధించిన సోనీకి సెయింట్ మేరీస్ కళాశాలలో ఇంజినీరింగ్ సీటు లభించింది. అయితే కుటుంబ ఆర్థిక పరిస్థితులు అనుకూలించక ఇంజినీరింగ్ విద్యకు అవసరమైన ఫీజు చెల్లించడం కష్టంగా మారింది. ఈ విషయాన్ని ఎమ్మెల్యే దృష్టికి తీసుకెళ్లడంతో వెంటనే స్పందించారు.
విద్యార్థిని చదువు కొనసాగేందుకు రూ.35 వేల ఆర్థిక సహాయాన్ని అందించారు. రాబోయే మరో సెమిస్టర్‌కు కూడా అవసరమైన సహాయం అందిస్తానని హామీ ఇచ్చారు.
పేదరికం ప్రతిభకు అడ్డంకి కాకూడదనే ఉద్దేశంతో ఉన్నత విద్యకు సహకరిస్తున్న ఎమ్మెల్యే కొలికపూడి శ్రీనివాసరావుకు విద్యార్థిని కుటుంబ సభ్యులు కృతజ్ఞతలు తెలిపారు.
