బొమ్మన్న చెరువు వద్ద రోడ్డు ప్రమాదం.. ఒకరు మృతి, ముగ్గురికి గాయాలు

అన్నమయ్య జిల్లా: బొమ్మన్న చెరువు వద్ద బుధవారం సాయంత్రం రోడ్డు ప్రమాదం జరిగింది. కొత్తిమీరను తరలిస్తున్న బొలెరో వాహనం, ఎదురుగా వస్తున్న ప్యాసింజర్ జీపు ఢీకొన్నట్లు సమాచారం.

ఈ ప్రమాదంలో జీపులో ప్రయాణిస్తున్న ఓ వ్యక్తి అక్కడికక్కడే మృతి చెందినట్లు తెలిసింది. మృతుడు రామసముద్రం మండలం చెంబుకూరుకు చెందిన వ్యక్తిగా స్థానికులు తెలిపినట్లు సమాచారం. ప్రమాదంలో మరో ముగ్గురు గాయపడినట్లు తెలుస్తోంది.

ప్రమాదానికి సంబంధించిన పూర్తి వివరాలు తెలియాల్సి ఉంది. ఘటనపై పోలీసుల దర్యాప్తు అనంతరం మరిన్ని వివరాలు వెల్లడయ్యే అవకాశం ఉంది.