న్యాయవాదిపై రౌడీషీట్.. నిరసనగా తిరువూరు న్యాయవాదుల విధుల బహిష్కరణ
తిరువూరు: విజయవాడకు చెందిన సీనియర్ న్యాయవాది ఓగ్గు గవాస్కర్పై పోలీసులు రౌడీషీట్ ఓపెన్ చేయడాన్ని నిరసిస్తూ తిరువూరు న్యాయవాదులు కోర్టు విధులను బహిష్కరించారు. కృష్ణా జిల్లా బార్ ఫెడరేషన్ పిలుపు మేరకు తిరువూరు న్యాయవాదుల సంఘం ఆధ్వర్యంలో ఈ నిరసన కార్యక్రమం నిర్వహించారు.
న్యాయవాదులపై అక్రమ కేసులు నమోదు చేయడం, రౌడీషీట్లు తెరవడం వంటి చర్యలను వెంటనే నిలిపివేయాలని న్యాయవాదులు డిమాండ్ చేశారు. న్యాయవాదుల హక్కులు, విధుల పరిరక్షణకు అడ్వకేట్స్ ప్రొటెక్షన్ యాక్ట్ను ప్రభుత్వం వెంటనే అమలు చేయాలని కోరారు. న్యాయవాదులపై ఇలాంటి చర్యలు పునరావృతం కాకుండా ప్రభుత్వం తగిన చర్యలు తీసుకోవాలని విజ్ఞప్తి చేశారు.
ఈ కార్యక్రమంలో తిరువూరు న్యాయవాదుల సంఘం అధ్యక్షుడు సంకురాత్రి జనార్ధన్ రావు, ప్రధాన కార్యదర్శి గోగిరెడ్డి కృష్ణారెడ్డి, కార్యదర్శి కనపర్తి రాంబాబుతో పాటు సీనియర్ న్యాయవాదులు, ఇతర న్యాయవాదులు పాల్గొన్నారు.
