శ్రీశైలంలో సాంస్కృతిక కార్యక్రమాలు

శ్రీశైలంలో సాంస్కృతిక కార్యక్రమాలు 

శ్రీశైల దేవస్థానం, శ్రీశైలం 

దేవస్థానము నిర్వహిస్తున్న ధర్మపథంలో భాగంగా (నిత్యకళారాధన కార్యక్రమంలో భాగంగా) శనివారం (04.04.2026)  ఉషా డాన్సు అకాడమి, సున్నిపెంట, నంద్యాల జిల్లా వారిచే  సంప్రదాయ నృత్య ప్రదర్శన కార్యక్రమం ఏర్పాటు చేయబడింది. 

 ఆలయ దక్షిణ మాడవీధిలోని నిత్యకళారాధన వేదిక వద్ద శనివారం సాయంకాలం నుండి ఈ నృత్య ప్రదర్శన కార్యక్రమం నిర్వహించబడుతున్నది.

ఈ కార్యక్రమములో వాతాపి గణపతిం,శివశివ శంకరా,  జతిస్వరం, నమశ్శివాయతే తదితర గీతాలకు శరణ్య, కోమలి, సహస్ర, భాగ్యశ్రీ, సంధ్య  తదితరులు నృత్యప్రదర్శన చేయనున్నారు.

కాగా  ఈ నిత్య కళారాధనలో ఆయా రోజులలో హరికథ, బుర్రకథ, సంప్రదాయ నృత్యం, వాయిద్య సంగీతం, భక్తిరంజని లాంటి కార్యక్రమాలు ఏర్పాటు చేయబడుతున్నాయి.

శ్రీ స్వామి అమ్మవార్లకు ఆయా కైంకర్యాలన్నీ పరిపూర్ణంగా జరగాలని మరియు ప్రాచీన సంప్రదాయ కళల పరిరక్షణలో భాగంగా ఈ నిత్యకళారాధన కార్యక్రమాలు నిర్వహించబడుతున్నాయి.

( కార్యనిర్వహణాధికారి ఉత్తర్వుల మేరకు)

శ్రీశైలదేవస్థానం వారి ద్వారా జారీ