రామ్ ప్రదీప్‌కు సర్వేపల్లి ప్రతిభా పురస్కారం

ఏ.కొండూరు: ఎన్టీఆర్ జిల్లా తిరువూరు నియోజకవర్గం ఏ.కొండూరు మండలం కోడూరు గ్రామంలోని మండల పరిషత్ ఆదర్శ ప్రాథమిక పాఠశాల ప్రధానోపాధ్యాయుడు, జన విజ్ఞాన వేదిక ప్రతినిధి మందడపు రామ్ ప్రదీప్‌కు మరో పురస్కారం లభించింది.

అంతర్జాతీయ ఉపాధ్యాయ దినోత్సవాన్ని పురస్కరించుకుని కె.ఎస్. లక్ష్మణరావు నేతృత్వంలోని కె.వి.ఆర్. జయలక్ష్మి ఎడ్యుకేషనల్ ట్రస్ట్ రామ్ ప్రదీప్‌ను సర్వేపల్లి ప్రతిభా పురస్కారానికి ఎంపిక చేసింది.

అక్టోబర్ 4న గుంటూరులో నిర్వహించనున్న కార్యక్రమంలో రామ్ ప్రదీప్‌కు పురస్కారాన్ని అందజేయనున్నారు. ఇంగ్లీష్ రిసోర్స్ పర్సన్‌గా సేవలందించడంతో పాటు పైడిమర్రి జీవిత చరిత్ర రచయితగా కూడా ఆయన గుర్తింపు పొందినట్లు నిర్వాహకులు తెలిపారు.

మరో ప్రతిష్ఠాత్మక పురస్కారానికి ఎంపిక కావడంపై రామ్ ప్రదీప్‌కు పలువురు అభినందనలు తెలిపారు.