తుపాను, ఎన్నికల నేపథ్యంలో ఏలూరు జిల్లాలో రెండు రోజులు పాఠశాలలకు సెలవు

నవంబర్ 4, 5 తేదీల్లో స్థానిక సెలవు ప్రకటించిన జిల్లా విద్యాశాఖ

ఏలూరు జిల్లా: జిల్లాలో తుపాను ప్రభావంతో వర్షాలు కురుస్తుండటంతో పాటు, ఈ నెల 5, 7 తేదీల్లో జరగనున్న ఎంపీటీసీ, జెడ్పీటీసీ ఎన్నికలను దృష్టిలో ఉంచుకుని ఏలూరు జిల్లాలోని అన్ని మేనేజ్‌మెంట్ పాఠశాలలకు రెండు రోజుల పాటు స్థానిక సెలవు ప్రకటించారు. జిల్లా కలెక్టర్ ఆదేశాల మేరకు నవంబర్ 4వ తేదీ బుధవారం, 5వ తేదీ గురువారం పాఠశాలలకు సెలవు వర్తిస్తుందని జిల్లా విద్యాశాఖ అధికారి వెంకటలక్ష్మమ్మ ఒక ప్రకటనలో తెలిపారు. ఈ మేరకు జిల్లాలోని డిప్యూటీ విద్యాశాఖ అధికారులు (డీవైఈవోలు), మండల విద్యాశాఖ అధికారులు (ఎంఈవోలు) సంబంధిత పాఠశాలల యాజమాన్యాలకు, విద్యార్థులకు, తల్లిదండ్రులకు సెలవు సమాచారాన్ని తెలియజేయాలని ఆదేశించారు.