పటాన్చెరులో 28 నుంచి ఎస్జీఎఫ్ క్రీడా పోటీలు
తెలంగాణ
/
సంగారెడ్డి
Goutham Rudrarapu
పటాన్ చెరు నియోజకవర్గ ప్రతినిధి
పటాన్చెరు, Ntoday News, సెప్టెంబర్ 27: పటాన్చెరు పట్టణంలోని మైత్రి మైదానంలో ఈ నెల 28 నుంచి 30 వరకు మూడు రోజులపాటు మండల స్థాయి స్కూల్ గేమ్స్ ఫెడరేషన్ (SGF) క్రీడా పోటీలు నిర్వహించనున్నట్లు ఎంఈవో నాగేశ్వర్ నాయక్ తెలిపారు.
విద్యార్థుల్లో దాగి ఉన్న క్రీడా నైపుణ్యాలను వెలికితీసేందుకు ఈ పోటీలు దోహదపడతాయని ఆయన పేర్కొన్నారు. క్రీడల్లో ప్రతిభ కనబరిచే విద్యార్థులకు తమ సామర్థ్యాన్ని ప్రదర్శించేందుకు ఈ పోటీలు మంచి వేదికగా నిలుస్తాయని తెలిపారు.
మండల పరిధిలోని ప్రభుత్వ, ప్రైవేటు పాఠశాలల విద్యార్థులు క్రీడా పోటీల్లో పాల్గొని తమ ప్రతిభను చాటాలని ఎంఈవో సూచించారు. పోటీలను విజయవంతంగా నిర్వహించేందుకు అవసరమైన ఏర్పాట్లు చేస్తున్నట్లు తెలిపారు.
