భైరవకోనలో శరన్నవరాత్రి ఉత్సవాలు

సీఎస్‌పురం: మండలంలోని ప్రముఖ పుణ్యక్షేత్రం భైరవకోనలో ఈ నెల 11 నుంచి దేవీ శరన్నవరాత్రి ఉత్సవాలు నిర్వహించనున్నట్లు దేవస్థానం ఈవో వంశీకృష్ణ రెడ్డి, చైర్మన్ ముప్పల శ్యాంసుందరరాజు తెలిపారు.

తొమ్మిది రోజులపాటు అమ్మవారిని వివిధ అలంకరణల్లో, వివిధ అవతారాల్లో భక్తులకు దర్శనమిచ్చేలా ఏర్పాట్లు చేస్తున్నట్లు తెలిపారు. ఉత్సవాల సందర్భంగా ఆలయంలో ప్రత్యేక పూజా కార్యక్రమాలు నిర్వహించనున్నట్లు పేర్కొన్నారు.

భక్తులకు ఎలాంటి ఇబ్బందులు కలగకుండా అవసరమైన ఏర్పాట్లు చేపడుతున్నట్లు తెలిపారు. భక్తులు పెద్ద సంఖ్యలో పాల్గొని శరన్నవరాత్రి ఉత్సవాలను విజయవంతం చేయాలని కోరారు.