చమోలిలో హెలికాప్టర్ ప్రమాదం పైలట్ సహా ఆరుగురు గల్లంతు

ఉత్తరాఖండ్‌లోని చమోలి ప్రాంతంలో హెలికాప్టర్ ప్రమాదం కలకలం రేపింది. బద్రీనాథ్ నుంచి డెహ్రాడూన్‌కు వెళ్తున్న భారత్ ఏవియేషన్ కంపెనీకి చెందిన హెలికాప్టర్ మార్గమధ్యంలో ప్రమాదానికి గురైనట్లు సమాచారం. ఈ ఘటన సమయంలో హెలికాప్టర్‌లో పైలట్‌తో పాటు ఆరుగురు ఉన్నట్లు తెలుస్తోంది. ప్రమాద సమాచారం అందుకున్న జిల్లా యంత్రాంగం వెంటనే అప్రమత్తమైంది. హెలికాప్టర్ ఆచూకీ, అందులో ప్రయాణిస్తున్న వారి వివరాలను తెలుసుకునేందుకు అధికారులు చర్యలు చేపట్టారు. గల్లంతైన వారి కోసం మరో హెలికాప్టర్‌ను రంగంలోకి దించి గగనతలంలో గాలింపు చర్యలు ప్రారంభించారు. ప్రమాదానికి గల కారణాలు, ప్రయాణికుల పరిస్థితిపై పూర్తి వివరాలు తెలియాల్సి ఉంది.