35 పాఠశాలల్లో అక్టోబర్ 3న ఎస్ఎంసీ ఎన్నికలు

మార్కాపురం: జిల్లాలో సెప్టెంబర్ 29న నిర్వహించాల్సిన ఎస్ఎంసీ (స్కూల్ మేనేజ్‌మెంట్ కమిటీ) ఎన్నికలు పలు కారణాలతో వాయిదా పడిన 35 పాఠశాలల్లో అక్టోబర్ 3న నిర్వహించనున్నట్లు డీఈఓ సుబ్బారావు తెలిపారు.

ఎన్నికల నిర్వహణకు సంబంధించి అధికారులు, ప్రధానోపాధ్యాయులు ముందస్తు ఏర్పాట్లు పూర్తి చేయాలని సూచించారు. ఎన్నికలు ఎలాంటి అవాంతరాలు లేకుండా సజావుగా నిర్వహించేలా అవసరమైన చర్యలు తీసుకోవాలని ఆదేశించారు.