తిరువూరులో అక్టోబర్ 3, 4 తేదీల్లో రాష్ట్రస్థాయి పవర్‌లిఫ్టింగ్ పోటీలు
తిరువూరు: ఎన్టీఆర్ జిల్లా పవర్‌లిఫ్టింగ్ అసోసియేషన్ ఆధ్వర్యంలో కీ.శే. నాగుబండి రామారావు మెమోరియల్ తరఫున ఆంధ్రప్రదేశ్ రాష్ట్రస్థాయి పవర్‌లిఫ్టింగ్ పోటీలను అక్టోబర్ 3, 4 తేదీల్లో నిర్వహించనున్నారు. తిరువూరు బైపాస్ రోడ్డులోని నాగుబండి రామారావు సామ్రాజ్యం గార్ల కన్వెన్షన్ హాళ్లలో ఈ పోటీలు జరగనున్నాయి. ఆంధ్రప్రదేశ్ రాష్ట్ర పవర్‌లిఫ్టింగ్ అసోసియేషన్ అనుమతితో పోటీలను నిర్వహిస్తున్నట్లు ఎన్టీఆర్ జిల్లా పవర్‌లిఫ్టింగ్ అసోసియేషన్ గౌరవాధ్యక్షుడు నాగుబండి విశ్వేశ్వరరావు, ప్రధాన కార్యదర్శి వరి మల్లేశ్వరరావు తెలిపారు.
అక్టోబర్ 3న ఉదయం 9.30 గంటలకు పోటీలను ప్రారంభించనున్నట్లు పేర్కొన్నారు. అదే రోజు పోటీల్లో విజేతలకు సాయంత్రం బహుమతులు ప్రదానం చేస్తారు. అక్టోబర్ 4న ఉదయం జరిగే పోటీల చివరి రౌండ్‌లో విజేతలకు మధ్యాహ్నం ఒంటి గంటకు బహుమతి ప్రదానం చేయనున్నట్లు నిర్వాహకులు వెల్లడించారు.
