తౌశిక్ ది హత్యే నని అనుమానం : మందకృష్ణ

తౌశిక్ ది హత్యేనని అనుమానం.. మందకృష్ణ మాదిగ ఆరోపణ

మార్కాపురం: సింగరాయకొండలో తౌశిక్  మృతి హత్యేనని ఎమ్మార్పీఎస్‌ వ్యవస్థాపక అధ్యక్షుడు మందకృష్ణ మాదిగ ఆరోపించారు. మార్కాపురంలో నిర్వహించిన రౌండ్ టేబుల్ సమావేశంలో ఆయన ఈ వ్యాఖ్యలు చేశారు.

తౌశిక్ వైర్‌తో బిగించి హత్య చేసినట్లు స్పష్టంగా కనిపిస్తోందని మందకృష్ణ మాదిగ పేర్కొన్నారు. ఘటనకు సంబంధించిన ఫోటోలను క్షణాల్లో తీసి, కేసు దర్యాప్తును నీరుగార్చే ప్రయత్నం జరిగిందని ఆరోపించారు.

పోలీసులు హత్య కేసుగా నమోదు చేయకుండా అనుమానాస్పద మృతిగా కేసు నమోదు చేయడంపై ఆయన అసంతృప్తి వ్యక్తం చేశారు. ఈ ఘటనపై సమగ్ర విచారణ జరిపి వాస్తవాలను వెలుగులోకి తీసుకురావాలని డిమాండ్ చేశారు.

ఈ నెల 12న ఒంగోలులో నిర్వహించనున్న మహా ధర్నాను విజయవంతం చేయాలని మందకృష్ణ మాదిగ పిలుపునిచ్చారు.