తిరువూరులో ఘనంగా ప్రపంచ ఫోటోగ్రఫీ దినోత్సవ వేడుకలు

ఎన్టీఆర్ జిల్లా తిరువూరు నియోజకవర్గం తిరువూరు మండల కేంద్రంలో ప్రపంచ ఫోటోగ్రఫీ దినోత్సవ వేడుకలు ఘనంగా నిర్వహించారు. ఫోటోగ్రాఫర్స్ అసోసియేషన్ ఆధ్వర్యంలో జరిగిన ఈ కార్యక్రమంలో పట్టణ, మండల ప్రాంతాలకు చెందిన ఫోటోగ్రాఫర్లు పెద్ద సంఖ్యలో పాల్గొన్నారు.

ఈ సందర్భంగా ఫోటోగ్రాఫర్లు పట్టణ ప్రధాన వీధుల్లో ప్రదర్శన నిర్వహించారు. ఫోటోగ్రఫీ రంగం ద్వారా జీవనం సాగిస్తున్న అనేక మంది కార్మికులు ప్రస్తుతం సరైన ఉపాధి లేక ఇబ్బందులు ఎదుర్కొంటున్నారని ఆవేదన వ్యక్తం చేశారు.

తమ వృత్తిని నమ్ముకుని జీవిస్తున్న ఫోటోగ్రాఫర్లను కూటమి ప్రభుత్వం ఆదుకోవాలని, తమ సమస్యలను పరిష్కరించేలా చర్యలు తీసుకోవాలని వారు కోరారు.

ఈ కార్యక్రమంలో పలువురు ఫోటోగ్రఫీ కార్మికులు పాల్గొని ప్రపంచ ఫోటోగ్రఫీ దినోత్సవ శుభాకాంక్షలు తెలియజేశారు.