తమిళనాడు సీఎం విజయ్‌ విడాకుల కేసులో కీలక మలుపు

తమిళనాడు సీఎం విజయ్‌ విడాకుల కేసులో కీలక మలుపు

చెంగల్‌పట్టు: తమిళనాడు ముఖ్యమంత్రి విజయ్‌ దాంపత్య జీవితానికి సంబంధించిన విడాకుల కేసులో కీలక పరిణామం చోటుచేసుకుంది. విజయ్‌ భార్య సంగీత దాఖలు చేసిన విడాకుల పిటిషన్‌ను ఆమె తాజాగా వెనక్కి తీసుకున్నారు. దీంతో ఈ కేసు విచారణకు తెరపడింది.

విడాకుల కోసం సంగీత చెంగల్‌పట్టు జిల్లా కోర్టును ఆశ్రయించారు. ఈ కేసు కొంతకాలంగా కోర్టు పరిధిలో కొనసాగుతోంది. అయితే తాజాగా ఆమె తన పిటిషన్‌ను ఉపసంహరించుకోవడంతో కేసును కోర్టు ముగించింది. దీంతో విజయ్‌-సంగీత దంపతులకు సంబంధించిన విడాకుల వ్యవహారంపై నెలకొన్న న్యాయపరమైన ప్రక్రియ ముగిసినట్లయింది.

కేసు ఉపసంహరణకు సంబంధించిన కారణాలను సంగీత తరఫు నుంచి అధికారికంగా వెల్లడించలేదు. పిటిషన్‌ వెనక్కి తీసుకోవడంతో ఇక ఈ కేసులో తదుపరి విచారణ అవసరం లేదని చెంగల్‌పట్టు జిల్లా కోర్టు స్పష్టం చేస్తూ కేసును ముగించింది.

ఈ పరిణామం తమిళనాడు రాజకీయ, సినీ వర్గాల్లో ఆసక్తికర చర్చకు దారితీసింది. ముఖ్యమంత్రి విజయ్‌ వ్యక్తిగత జీవితానికి సంబంధించిన అంశం కావడంతో విడాకుల కేసు వ్యవహారం మొదటి నుంచీ ప్రజల్లో చర్చనీయాంశంగా ఉంది. తాజాగా భార్య పిటిషన్‌ ఉపసంహరించుకోవడంతో ఈ వ్యవహారానికి తాత్కాలికంగా ముగింపు లభించింది.