బీసీలకు 34 శాతం రిజర్వేషన్ల కల్పనకు కూటమి ప్రభుత్వం కట్టుబడి ఉంది

బీసీలకు 34 శాతం రిజర్వేషన్ల కల్పనకు కూటమి ప్రభుత్వం కట్టుబడి ఉంది: ఎమ్మెల్యే భాష్యం ప్రవీణ్

పెదకూరపాడు: స్థానిక సంస్థల ఎన్నికల్లో బీసీలకు 34 శాతం రిజర్వేషన్లు కల్పించే అంశంపై కూటమి ప్రభుత్వం కట్టుబడి ఉందని పెదకూరపాడు ఎమ్మెల్యే భాష్యం ప్రవీణ్ తెలిపారు. నియోజకవర్గంలోని బీసీ నాయకులతో ఎమ్మెల్యే ప్రత్యేక సమావేశం నిర్వహించి, బీసీలకు రాజకీయంగా తగిన ప్రాతినిధ్యం కల్పించడం, వారి హక్కుల పరిరక్షణ వంటి అంశాలపై చర్చించారు.

ఈ సందర్భంగా ఎమ్మెల్యే భాష్యం ప్రవీణ్ మాట్లాడుతూ, బడుగు, బలహీన వర్గాలకు రాజకీయాల్లో తగిన ప్రాతినిధ్యం కల్పించడం తెలుగుదేశం పార్టీ లక్ష్యమని పేర్కొన్నారు. బీసీల రాజకీయ అభ్యున్నతికి, వారి హక్కుల పరిరక్షణకు కూటమి ప్రభుత్వం కట్టుబడి ఉందని తెలిపారు. స్థానిక సంస్థల ఎన్నికల్లో బీసీలకు 34 శాతం రిజర్వేషన్లు కల్పించే అంశంపై ప్రభుత్వం తన వైఖరికి అనుగుణంగా ముందుకు సాగుతుందని పేర్కొన్నారు.

బీసీల అభివృద్ధి, రాజకీయ భాగస్వామ్యం పెంపొందించే అంశాలపై సమావేశంలో నాయకులు చర్చించారు. ఈ కార్యక్రమంలో నియోజకవర్గంలోని ఐదు మండలాల తెలుగుదేశం పార్టీ అధ్యక్షులు, ముఖ్య నాయకులు, బీసీ నాయకులు పాల్గొన్నారు.