పందిళ్లపల్లికి చేరుకున్న ఆర్మీ జవాన్ కిషన్ భౌతికకాయం

బెస్తవారిపేట: మండలంలోని పందిళ్లపల్లికి చెందిన ఆర్మీ జవాన్ కిషన్ భౌతికకాయం స్వగ్రామానికి చేరుకుంది. జవాన్ మృతితో గ్రామంలో విషాదఛాయలు అలుముకున్నాయి.

కిషన్ భౌతికకాయాన్ని సందర్శించిన గిద్దలూరు నియోజకవర్గానికి చెందిన పలువురు మాజీ సైనికులు నివాళులు అర్పించారు. కుటుంబ సభ్యులను పరామర్శించి తమ సానుభూతిని తెలిపారు.

మరికొద్ది సేపట్లో ప్రభుత్వ అధికారిక లాంఛనాలతో కిషన్ అంత్యక్రియలు నిర్వహించనున్నట్లు కుటుంబ సభ్యులు తెలిపారు. అంత్యక్రియలకు గ్రామస్తులు, బంధువులు, మాజీ సైనికులు, స్థానికులు హాజరుకానున్నారు.