వైఎస్సార్సీపీలో చేరిన మాజీ ఎంపీపీ వెంకట కృష్ణారావు
పేరవరం: గ్రామానికి చెందిన మాజీ ఎంపీపీ వాకలపూడి వెంకట కృష్ణారావు మంగళవారం వైఎస్సార్ కాంగ్రెస్ పార్టీలో చేరారు. మాజీ ఎంపీపీ బెజవాడ హిమబిందు సతీష్, మాజీ ఎంపీటీసీ సభ్యులు వంకా దుర్గారావు, బెజవాడ శ్రీనివాస్ తదితరులు ఆయనకు పార్టీ కండువా కప్పి పార్టీలోకి ఆహ్వానించారు.
ఈ సందర్భంగా వెంకట కృష్ణారావు మాట్లాడుతూ.. తన పదవీకాలంలో అందరి మన్ననలు పొందుతూ వివాదరహితుడిగా కొనసాగినట్లు తెలిపారు. స్థానిక టీడీపీ నాయకుల వ్యవహారశైలిపై అసంతృప్తితో వైఎస్సార్సీపీలో చేరుతున్నట్లు చెప్పారు. వైఎస్సార్సీపీ అధినేత, మాజీ ముఖ్యమంత్రి వైఎస్ జగన్మోహన్రెడ్డిపై ఉన్న అభిమానంతో పార్టీలో చేరినట్లు పేర్కొన్నారు.
రానున్న ఎన్నికల్లో వైఎస్సార్సీపీ తిరిగి అధికారంలోకి వస్తుందని వెంకట కృష్ణారావు ధీమా వ్యక్తం చేశారు. ఆయన పార్టీలో చేరడంపై వైఎస్సార్సీపీ నాయకులు, కార్యకర్తలు హర్షం వ్యక్తం చేశారు.
కార్యక్రమంలో స్థానిక వైఎస్సార్సీపీ నాయకులు, కార్యకర్తలు తదితరులు పాల్గొన్నారు.
