వరంగల్‌లో మద్యం మత్తులో బెటాలియన్ కానిస్టేబుల్ న్యూసెన్స్....
వరంగల్‌లో మద్యం మత్తులో బెటాలియన్ కానిస్టేబుల్ న్యూసెన్స్.. లాఠీతో చితకబాదిన బీట్ కానిస్టేబుల్
వరంగల్ జిల్లా ఉర్సు గుట్ట ప్రాంతంలోని ఓ బార్‌లో మద్యం మత్తులో న్యూసెన్స్ చేస్తున్న బెటాలియన్ కానిస్టేబుల్‌పై బీట్ కానిస్టేబుల్, స్థానికులు దాడి చేసిన ఘటన కలకలం రేపింది.
బార్‌లో మద్యం తాగిన అనంతరం బెటాలియన్ కానిస్టేబుల్ ఇబ్బందికరంగా ప్రవర్తిస్తున్నాడని సిబ్బంది 112కు సమాచారం అందించారు. దీంతో అక్కడికి చేరుకున్న బీట్ కానిస్టేబుల్ సంతోష్ రెడ్డి.. బెటాలియన్ కానిస్టేబుల్‌ను అక్కడి నుంచి వెళ్లిపోవాలని సూచించారు.
ఈ క్రమంలో షర్ట్ వేసుకుని వెళ్లిపోవాలని చెప్పడంతో ఇద్దరి మధ్య వాగ్వాదం చోటుచేసుకుంది. సంతోష్ రెడ్డి అతడిని చెంపపై కొట్టడంతో.. ప్రతిగా బెటాలియన్ కానిస్టేబుల్ కూడా సంతోష్ రెడ్డి చెంపపై కొట్టినట్లు సమాచారం.
దీంతో ఆగ్రహానికి గురైన బీట్ కానిస్టేబుల్ సంతోష్ రెడ్డి లాఠీతో బెటాలియన్ కానిస్టేబుల్‌పై దాడి చేసినట్లు తెలుస్తోంది. స్థానికులు కూడా అతడిని చితకబాదినట్లు సమాచారం.
ఘటనపై పోలీసులు వివరాలు సేకరిస్తున్నారు. పూర్తి వివరాలు తెలియాల్సి ఉంది.
