పాము కాటుతో మహిళ మృతి

ఆస్పత్రికి తరలిస్తుండగా మార్గమధ్యంలోనే ప్రాణాలు విడిచిన పార్వతి

మరిగడి, నవంబర్ 3 (ఎన్ టుడే న్యూస్):

జిల్లాలోని మరిగడి గ్రామానికి చెందిన పిన్నింటి పార్వతి (55) పాము కాటుకు గురై మృతి చెందారు. ఇంటి వద్ద ఉండగా ఆమెను పాము కాటు వేసినట్లు సమాచారం.

ఆస్పత్రికి తరలిస్తుండగా విషాదం

పాము కాటుకు గురైన పార్వతిని కుటుంబ సభ్యులు వెంటనే జనగామ ప్రభుత్వ ఆస్పత్రికి తరలించే ప్రయత్నం చేశారు. అయితే ఆస్పత్రికి తీసుకెళ్తుండగా మార్గమధ్యంలోనే ఆమె ప్రాణాలు కోల్పోయినట్లు గ్రామస్థులు తెలిపారు.

కుటుంబంలో విషాదఛాయలు

పార్వతి మృతితో కుటుంబ సభ్యులు కన్నీరుమున్నీరుగా విలపించారు. గ్రామంలో విషాదఛాయలు అలుముకున్నాయి.