అమడగూరులో వైసీపీ అభ్యర్థి గడ్డం నరసింహులు ఇంటింటి ప్రచారం

వైసీపీ అభ్యర్థులను గెలిపించాలని ఓటర్లకు విజ్ఞప్తి చేసిన మాజీ జెడ్పీటీసీ ఉమాదేవి

అమడగూరు (ఎన్‌ టుడే న్యూస్‌ – రామాంజనేయులు): పుట్టపర్తి నియోజకవర్గ పరిధిలోని అమడగూరు మండల కేంద్రంలో వైఎస్సార్‌సీపీ ఎంపీటీసీ అభ్యర్థి గడ్డం నరసింహులు ఇంటింటి ప్రచారం నిర్వహించారు. ఈ సందర్భంగా మాజీ జెడ్పీటీసీ ఉమాదేవి పార్టీ నాయకులు, కార్యకర్తలతో కలిసి ప్రచారంలో పాల్గొని ఓటర్లను కలిశారు.

ఈ సందర్భంగా ఉమాదేవి మాట్లాడుతూ.. గత వైఎస్సార్‌సీపీ ప్రభుత్వ హయాంలో ముఖ్యమంత్రి వైఎస్‌ జగన్‌మోహన్‌రెడ్డి అనేక సంక్షేమ పథకాలు అమలు చేయడంతో పాటు అభివృద్ధి కార్యక్రమాలు చేపట్టారని పేర్కొన్నారు. ఆ అభివృద్ధి, సంక్షేమ కార్యక్రమాలు కొనసాగాలంటే అమడగూరు మండల కేంద్రంలో ఎంపీటీసీ అభ్యర్థి గడ్డం నరసింహులు, జెడ్పీటీసీ అభ్యర్థి నిర్మలలకు ఓటు వేసి గెలిపించాలని ప్రజలను కోరారు.

ఈ ప్రచార కార్యక్రమంలో మాజీ జెడ్పీటీసీ ఉమాదేవి, శేషు రెడ్డి, హరి రెడ్డి, పార్టీ నాయకులు, కార్యకర్తలు భారీ సంఖ్యలో పాల్గొన్నారు.