ఈ నెల 8న మట్టి ప్రమిదల అలంకరణ వర్క్‌షాప్

హనుమకొండ (ఎన్ టుడే న్యూస్): దీపావళి పండుగను పురస్కరించుకుని సాగంటీస్ ఆర్ట్స్ అకాడమీ అండ్ హెల్పింగ్ సొసైటీ ఆధ్వర్యంలో ఈ నెల 8వ తేదీన మట్టి ప్రమిదల అలంకరణ వర్క్‌షాప్ నిర్వహించనున్నారు. ఉదయం 11 గంటలకు హనుమకొండలోని కాకతీయ యూనివర్సిటీ క్రాస్‌రోడ్స్ సమీపంలో ఉన్న భారతి విద్యాభవన్ స్కూల్‌లో ఈ కార్యక్రమం జరగనుంది.

ఈ విషయాన్ని అకాడమీ డైరెక్టర్ డాక్టర్ మంజుల సాగంటి ఒక ప్రకటనలో తెలిపారు. ఈ వర్క్‌షాప్‌లో మట్టి ప్రమిదలకు వివిధ రంగులు అద్ది, అందంగా అలంకరించే విధానాన్ని నేర్పించనున్నట్లు పేర్కొన్నారు. అన్ని వయసుల వారు ఈ కార్యక్రమంలో పాల్గొనవచ్చని తెలిపారు.

వర్క్‌షాప్‌లో పాల్గొనే వారికి మట్టి ప్రమిదలు, ప్రశంసాపత్రం అందజేయనున్నట్లు వెల్లడించారు. పాల్గొనేవారు యాక్రిలిక్ రంగులు, బ్రష్‌లు, వేస్ట్ క్లాత్, చిన్న వాటర్ బౌల్, పాత న్యూస్‌పేపర్, పెయింటింగ్ పాలెట్ కోసం ప్లేట్, కుందన్లు తదితర వస్తువులను వెంట తెచ్చుకోవాలని సూచించారు.

వర్క్‌షాప్‌కు సంబంధించిన ఇతర వివరాల కోసం 8143643337 నంబర్‌లో సంప్రదించాలని డాక్టర్ మంజుల సాగంటి కోరారు.