గాయపడిన లక్ష్మి కుటుంబానికి వైసీపీ తరఫున రూ.3 లక్షల ఆర్థిక సాయం

ఆసుపత్రికి వెళ్లి ఆరోగ్య పరిస్థితిని తెలుసుకున్న మాజీ ఎమ్మెల్యే తోపుదుర్తి ప్రకాష్ రెడ్డి

రాప్తాడు: రాప్తాడు నియోజకవర్గంలో ఇటీవల చోటుచేసుకున్న ఘటనలో గోపికను రక్షించే ప్రయత్నంలో గాయపడిన లక్ష్మిని వైఎస్సార్ కాంగ్రెస్ పార్టీ తరఫున మాజీ ఎమ్మెల్యే తోపుదుర్తి ప్రకాష్ రెడ్డి పరామర్శించారు. ఆసుపత్రికి వెళ్లి ఆమె ఆరోగ్య పరిస్థితిని అడిగి తెలుసుకోవడంతో పాటు కుటుంబ సభ్యులకు ధైర్యం చెప్పారు.

ఈ ఘటనపై గతంలో వైఎస్సార్ కాంగ్రెస్ పార్టీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి స్పందించి లక్ష్మిని పరామర్శించిన విషయం తెలిసిందే. ఈ సందర్భంగా లక్ష్మి కుటుంబానికి వైఎస్సార్ కాంగ్రెస్ పార్టీ ఎల్లప్పుడూ అండగా ఉంటుందని ఆయన భరోసా ఇచ్చారు.

ఈ హామీలో భాగంగా మాజీ ఎమ్మెల్యే తోపుదుర్తి ప్రకాష్ రెడ్డి ఆసుపత్రికి వెళ్లి లక్ష్మి ఆరోగ్య పరిస్థితిని తెలుసుకున్నారు. అనంతరం ఆమె కుటుంబ సభ్యులతో మాట్లాడి వారికి భరోసా కల్పించారు. వైఎస్సార్ కాంగ్రెస్ పార్టీ తరఫున రూ.3 లక్షల ఆర్థిక సహాయాన్ని చెక్కు రూపంలో అందజేశారు.

కష్ట సమయంలో లక్ష్మి కుటుంబానికి అండగా నిలిచేందుకు పార్టీ తరఫున ఈ ఆర్థిక సహాయం అందించినట్లు తెలిపారు.