తనకల్లు మండలంలో వైఎస్సార్‌సీపీ సమీక్షా సమావేశం
తనకల్లు: తనకల్లు మండలంలోని వైఎస్సార్‌సీపీ నాయకులు, కార్యకర్తలతో కదిరి నియోజకవర్గ సమన్వయకర్త బీఎస్ మక్బుల్ సమీక్షా సమావేశం నిర్వహించారు. మండలంలోని 17 పంచాయతీలకు చెందిన పార్టీ నాయకులు, కార్యకర్తలు ఈ సమావేశంలో పాల్గొన్నారు.
ఈ సందర్భంగా రాబోయే స్థానిక సంస్థల ఎన్నికలకు పార్టీ శ్రేణులు సిద్ధం కావాల్సిన అంశాలపై చర్చించినట్లు పార్టీ వర్గాలు తెలిపాయి. పార్టీ సంస్థాగతంగా బలోపేతం కావడం, నాయకులు, కార్యకర్తలు సమన్వయంతో పనిచేయడం తదితర అంశాలపై సమీక్ష నిర్వహించారు.
2029లో వైఎస్సార్‌సీపీ అధినేత వైఎస్ జగన్‌మోహన్‌రెడ్డిని తిరిగి ముఖ్యమంత్రిగా చూడాలనే లక్ష్యంతో పార్టీ శ్రేణులు పనిచేయాలని మక్బుల్ పిలుపునిచ్చినట్లు పార్టీ వర్గాలు పేర్కొన్నాయి.
సమావేశంలో మండల కన్వీనర్లు, రాష్ట్ర, జిల్లా, నియోజకవర్గ స్థాయి నాయకులు, మాజీ జడ్పీటీసీలు, ఎంపీటీసీలు, ఎంపీపీలు, సర్పంచులు, వార్డు సభ్యులు, వివిధ అనుబంధ విభాగాల అధ్యక్షులు, సభ్యులు, పార్టీ కార్యకర్తలు పాల్గొన్నారు.
