మార్కాపురం ప్రజా సమస్యల పరిష్కార వేదికకు 215 అర్జీలు

మార్కాపురం: మార్కాపురం కలెక్టరేట్‌లో సోమవారం నిర్వహించిన ప్రజా సమస్యల పరిష్కార వేదిక కార్యక్రమానికి మొత్తం 215 అర్జీలు అందాయి. జిల్లా కలెక్టర్ విజయ సునీత ప్రజల నుంచి అర్జీలను స్వీకరించి, వారి సమస్యలను అడిగి తెలుసుకున్నారు.

జిల్లాలోని వివిధ ప్రాంతాల నుంచి వచ్చిన ప్రజలు తమ వ్యక్తిగత, సామాజిక సమస్యలను జిల్లా కలెక్టర్ దృష్టికి తీసుకెళ్లారు. భూ సమస్యలు, సంక్షేమ పథకాలు, మౌలిక వసతులు, ఇతర సమస్యలకు సంబంధించి ప్రజలు వినతిపత్రాలను సమర్పించారు.

ఈ సందర్భంగా జిల్లా కలెక్టర్ విజయ సునీత మాట్లాడుతూ ప్రజలు సమర్పించిన ప్రతి అర్జీని సంబంధిత అధికారులు క్షుణ్ణంగా పరిశీలించాలని సూచించారు. నిబంధనల మేరకు సమస్యలకు సత్వర పరిష్కారం చూపాలని అధికారులను ఆదేశించారు.

ప్రజా సమస్యల పరిష్కారంలో జాప్యం లేకుండా చర్యలు చేపట్టాలని, అర్జీల పరిష్కారంపై సంబంధిత శాఖల అధికారులు ప్రత్యేక దృష్టి సారించాలని కలెక్టర్ సూచించారు.