మల్లేలలో 7.58 ఎకరాల ప్రభుత్వ భూమి స్వాధీనం
మల్లేలలో 7.58 ఎకరాల ప్రభుత్వ భూమి స్వాధీనం ప్రభుత్వ భూమిని పరిశీలించి ఆధీనంలోకి తీసుకున్న తిరువూరు ఆర్డీవో ఏ. కుమార్
తిరువూరు: ప్రభుత్వ భూముల పరిరక్షణలో భాగంగా తిరువూరు రెవెన్యూ డివిజన్ అధికారి ఏ. కుమార్ చర్యలు చేపట్టారు. తిరువూరు మండలం మల్లెల రెవెన్యూ గ్రామ పరిధిలోని ఆర్‌.ఎస్‌. నంబర్‌ 281లో నమోదై ఉన్న 7 ఎకరాల 58 సెంట్ల ప్రభుత్వ భూమిని ఆయన క్షేత్రస్థాయిలో పరిశీలించి ప్రభుత్వ ఆధీనంలోకి తీసుకున్నారు. ప్రభుత్వ భూముల పరిరక్షణ, వాటిపై అనధికార ఆక్రమణలకు అవకాశం లేకుండా చూడడంలో భాగంగా ఈ పరిశీలన చేపట్టినట్లు తెలుస్తోంది. సదరు భూమికి సంబంధించి తదుపరి చర్యలు చేపట్టాలని తిరువూరు తహసీల్దార్‌కు ఆర్డీవో తగిన ఆదేశాలు జారీ చేశారు. ప్రభుత్వ భూముల వివరాలను పరిశీలిస్తూ, వాటి పరిరక్షణకు అవసరమైన చర్యలు తీసుకోవడంపై రెవెన్యూ అధికారులు దృష్టి సారించారు. ఈ కార్యక్రమంలో తిరువూరు తహసీల్దార్‌, మండల సర్వేయర్‌, గ్రామ సర్వేయర్‌తో పాటు రెవెన్యూ సిబ్బంది పాల్గొన్నారు.