ఏపీలో నిరుద్యోగులకు దీపావళి కానుక.. డీఎస్సీ-2026 నోటిఫికేషన్ విడుదల

2,721 ఉపాధ్యాయ పోస్టుల భర్తీకి ప్రభుత్వం గ్రీన్‌సిగ్నల్

నవంబర్ 11 నుంచి ఆన్‌లైన్ దరఖాస్తుల స్వీకరణ ఆంధ్రప్రదేశ్‌లో నిరుద్యోగ యువతకు ఎన్డీయే ప్రభుత్వం దీపావళి శుభవార్త అందించింది. ప్రతి ఏటా డీఎస్సీ నిర్వహిస్తామని మంత్రి నారా లోకేష్ ఇచ్చిన హామీ మేరకు ప్రభుత్వం మరో కీలక నిర్ణయం తీసుకుంది. 2025 మెగా డీఎస్సీ ద్వారా 15,941 ఉపాధ్యాయ పోస్టులను భర్తీ చేసిన ప్రభుత్వం తాజాగా డీఎస్సీ-2026 సమగ్ర నోటిఫికేషన్‌ను ప్రకటించింది. రాష్ట్రవ్యాప్తంగా మొత్తం 2,721 ఉపాధ్యాయ పోస్టులను భర్తీ చేయనున్నట్లు వెల్లడించింది. ఈ నోటిఫికేషన్‌లో భాగంగా రెగ్యులర్ స్కూల్ అసిస్టెంట్, ఎస్‌జీటీ పోస్టులు 2,111, ప్రత్యేక విద్యా ఉపాధ్యాయ పోస్టులు 350, వివిధ సొసైటీల పరిధిలో మరో 260 పోస్టులను భర్తీ చేయనున్నారు. నవంబర్ 11 నుంచి అభ్యర్థుల నుంచి ఆన్‌లైన్‌లో దరఖాస్తులు స్వీకరించనున్నారు. కంప్యూటర్ ఆధారిత విధానంలో పరీక్షలు నిర్వహించేందుకు పాఠశాల విద్యాశాఖ ఏర్పాట్లు చేసింది. పరీక్షలు, అర్హతలు, దరఖాస్తు విధానం, ఇతర పూర్తి వివరాలను పాఠశాల విద్యాశాఖ అధికారిక వెబ్‌సైట్‌లో అందుబాటులో ఉంచినట్లు సమాచారం. దీంతో ఉపాధ్యాయ ఉద్యోగాల కోసం ఎదురుచూస్తున్న నిరుద్యోగ యువతలో ఆశలు చిగురించాయి.