ఆషాడమాసం సందర్భంగా కనకదుర్గ అమ్మవారికి తిరువూరు పోలీసుల సారె సమర్పణ

ఆషాడమాసం సందర్భంగా కనకదుర్గ అమ్మవారికి తిరువూరు పోలీసుల సారె సమర్పణ

తిరువూరు, ఆగస్టు 5: ఆషాడమాసం సందర్భంగా ఎన్టీఆర్ జిల్లా పోలీస్ కమిషనర్ పిలుపు మేరకు తిరువూరు పోలీస్ స్టేషన్ తరఫున బుధవారం విజయవాడలోని శ్రీ దుర్గా మల్లేశ్వర స్వామివారి దేవస్థానంలో కొలువై ఉన్న కనకదుర్గ అమ్మవారికి సంప్రదాయబద్ధంగా సారె సమర్పించారు.

తిరువూరు నుంచి సారెను సంప్రదాయ పద్ధతిలో విజయవాడకు తీసుకెళ్లి దేవస్థానం అధికారులకు అందజేశారు. అనంతరం అమ్మవారిని దర్శించుకుని ప్రత్యేక పూజలు నిర్వహించారు.

ఈ కార్యక్రమంలో తిరువూరు సర్కిల్ ఇన్‌స్పెక్టర్ కె. గిరిబాబు, సబ్‌ఇన్‌స్పెక్టర్ వై.వి. శాతకర్ణి, మహిళా సబ్‌ఇన్‌స్పెక్టర్ టి. గౌరేశ్వరి, మహిళా పోలీసు సిబ్బంది పాల్గొన్నారు.