AEE పరీక్ష తేదీ మార్పు.. నవంబర్ 7కు వాయిదా

• అభ్యర్థులకు కీలక సూచన

హైదరాబాద్ | ఎన్ టుడే న్యూస్‌: అసిస్టెంట్ ఎగ్జిక్యూటివ్ ఇంజినీర్‌ (AEE) పరీక్ష తేదీని మారుస్తూ తెలంగాణ పబ్లిక్ సర్వీస్ కమిషన్ (TGPSC) నిర్ణయం తీసుకుంది. నవంబర్ 6న జరగాల్సిన పరీక్షను నవంబర్ 7న నిర్వహించనున్నట్లు వెల్లడించింది.

స్టాఫ్ సెలక్షన్ కమిషన్ (SSC) నిర్వహించే జూనియర్ ఇంజినీర్‌ (JE) పరీక్ష, TGPSC AEE పరీక్ష ఒకే రోజున ఉండటంతో అభ్యర్థులు ఇబ్బందులు ఎదుర్కొనే అవకాశం ఉంది. ఈ నేపథ్యంలో AEE పరీక్షను వాయిదా వేయాలని అభ్యర్థుల నుంచి డిమాండ్లు రావడంతో కమిషన్ ఈ నిర్ణయం తీసుకుంది.

SSC JE, AEE పరీక్షలు ఒకే రోజున ఉన్న అభ్యర్థులు ఈ నెల 30వ తేదీ సాయంత్రం 5 గంటలలోపు అవసరమైన ధ్రువపత్రాలను ఇమెయిల్ ద్వారా పంపించాలని కమిషన్ సూచించింది. అభ్యర్థులు గడువులోగా సంబంధిత సర్టిఫికెట్లు సమర్పించాలని తెలిపింది.