అమరావతి: నిరుద్యోగులకు ఏపీ ప్రభుత్వం తీపికబురు....

అమరావతి: నిరుద్యోగులకు ఏపీ ప్రభుత్వం తీపికబురు.. 10,060 పోస్టులతో జాబ్ క్యాలెండర్ విడుదల

ఆంధ్రప్రదేశ్‌లోని నిరుద్యోగులకు రాష్ట్ర ప్రభుత్వం శుభవార్త అందించింది. 2026 సంవత్సరానికి సంబంధించిన జాబ్ క్యాలెండర్‌ను విడుదల చేసింది. మొత్తం 10,060 ఉద్యోగాల భర్తీకి ప్రభుత్వం గ్రీన్‌సిగ్నల్ ఇచ్చింది.

నాలుగు దశల్లో వివిధ శాఖల్లో ఖాళీలను భర్తీ చేయనున్నట్లు ఆర్థికశాఖ ఉత్తర్వుల్లో పేర్కొంది. సెప్టెంబర్, అక్టోబర్ నెలల్లో ఉద్యోగ నియామకాలకు సంబంధించిన నోటిఫికేషన్లు విడుదల చేయనున్నారు.

ఈ జాబ్ క్యాలెండర్‌లో భాగంగా గ్రూప్-1లో 149 పోస్టులు, గ్రూప్-2లో 673 పోస్టులు భర్తీ చేయనున్నారు. డీఎస్సీ ద్వారా 2,991 ఉపాధ్యాయ పోస్టులను భర్తీ చేయనున్నట్లు వెల్లడించారు.

అలాగే పోలీస్, అగ్నిమాపక, జైళ్లు, అటవీ, పశుసంవర్ధక, ఎక్సైజ్, ఇంజినీరింగ్, విద్యుత్ శాఖల్లోనూ భారీ సంఖ్యలో ఉద్యోగ నియామకాలు చేపట్టనున్నట్లు ప్రభుత్వం తెలిపింది. తాజా జాబ్ క్యాలెండర్‌తో వేలాది మంది అభ్యర్థులకు ఉపాధి అవకాశాలు లభించనున్నాయి.